Laust er starf bókavarðar við Héraðsbókasafn Reykhólahrepps á Reykhólum. Starfið felst í umsjón með safninu og þeirri þjónustu sem slíku fylgir. Á dagskrá er að skrá safnið og nútímavæða það. Um er að ræða 10% hlutastarf, tvo tíma í senn tvö kvöld í viku og kl. 11-13 einn laugardag í mánuði. Starfið er laust frá 15. september. Skilyrði er að hafa náð 20 ára aldri.

Hæfni sem krafist er:

• Nákvæmni í starfi og tölvukunnátta
• Skipulagshæfni og sjálfstæði í starfi
• Hæfni í mannlegum samskiptum

Nánari upplýsingar gefur sveitarstjóri í síma 434 7880 eða netfanginu sveitarstjori@reykholar.is. Upplýsingar um launakjör gefur launafulltrúi í sama síma eða netfanginu erla@reykholar.is. Launakjör fara eftir kjarasamningum Sambands íslenskra sveitarfélaga og FosVest eða VerkVest.

Umsóknum skal skila skriflega til Reykhólahrepps fyrir 10. september.

- Sveitarstjóri.