Reykhólahreppur óskar eftir að ráða í 100% stöðu bæjarstarfsmanns. Starfið felst í vinnu undir stjórn umsjónarmanns fasteigna við ýmis viðhaldsverkefni, fram-kvæmdir og umhirðuverkefni á vegum sveitarfélagsins, svo sem við gatnakerfi, opin svæði og veitur.

Hæfniskröfur eru reynsla af sambærilegum störfum. Lipurð í mannlegum samskiptum er mikilvæg, svo og sjálfstæð og öguð vinnubrögð.

Launakjör skv. kjarasamningi Launanefndar sveitarfélaga og viðkomandi stéttarfélags. Æskilegt er að viðkomandi getið hafið störf sem fyrst.

Umsóknarfrestur er til og með 31. desember 2016.

Upplýsingar um starfið gefur Hjalti Hafþórsson, umsjónarmaður fasteigna, í síma 861 3629.

Umsækjendur eru beðnir um að skila inn umsóknum á netfangið hjalti@reykholar.is. Með umsókn þarf að fylgja starfsferilskrá og kynningarbréf þar sem gerð er grein fyrir ástæðu umsóknar og rökstuðningi fyrir hæfni í starfið.

Reykhólahreppur hvetur konur jafnt sem karla til þess að sækja um starfið.