27. febrúar 2014 | vefstjori@reykholar.is
Laust starf íþrótta- og tómstundafulltrúa
Dalabyggð, í samvinnu við Ungmennasamband Dalamanna og Norður-Breiðfirðinga (UDN), auglýsir starf íþrótta- og tómstundafulltrúa. Leitað er að öflugum einstaklingi sem er tilbúinn að stýra metnaðarfullu og lifandi starfi. Starfshlutfall er 50% og skiptist þannig, að starf íþrótta- og tómstundafulltrúa Dalabyggðar er 30% og framkvæmdastjórn UDN 20%.
Helstu verkefni
- Að samþætta og efla íþrótta- og tómstundastarf í Dalabyggð og stuðla að samfellu í skóla-, íþrótta- og félagsstarfi barna í sveitarfélaginu.
- Framkvæmdastjórn UDN.
- Yfirumsjón með vinnuskóla, félagsmiðstöð og íþróttamannvirkjum.
- Aðstoð við ungmennaráð Dalabyggðar.
- Skipulag og verkefnastjórn í ýmsum málum sem til falla, t.d. forvarnamálum, átaksverkefnum og hátíðum.
Hæfniskröfur
- Menntun sem nýtist í starfi.
- Reynsla og þekking á íþrótta- og æskulýðsmálum.
- Góð framkoma og hæfni í mannlegum samskiptum.
- Reynsla af stjórnun, stefnumótun og fjárhagslegri ábyrgð.
- Framsýni og metnaður í starfi.
- Almenn tölvukunnátta.
Gert er ráð fyrir að starfsmaðurinn komi til með að búa í Dalabyggð og hann þarf að hafa hreint sakavottorð. Starfsstöð verður á skrifstofu Dalabyggðar.
Umsókn skal skila til skrifstofu Dalabyggðar, Miðbraut 11, 370 Búðardal.
Umsóknarfrestur er til og með 7. mars og æskilegt að umsækjandi geti hafið störf sem fyrst.