20. nóvember 2014 | vefstjori@reykholar.is
Laxnes á Höllustöðum er ekki tófa!
Hinn óviðjafnanlegi köttur Laxnes hefur þvælst að heiman og er nú eftirlýstur! Hann er bröndóttur og spengilegur, ómerktur. Þeir sem hafa orðið varir við hann eða þykjast sjá tófu í grenndinni eru vinsamlegast beðnir að hringja strax í Soffíu frænku í síma 863 6509.
Mæja Maack, laugardagur 22 nvember kl: 13:12
Sæll vefstjóri,
sem betur fer skilaði nóbelsskáldið sér.. bjöllulaus og banhungraður. Þá hafði Tumi boðist til að veiða köttinn í gildru. Ég setti þessa fyrirsögn fram (í gegn um Finn) þvi mér hafði borist til eyrna að hér væru kettir skotnir á færi ef til sæist. Einnig að tófuskyttur væru öflugar á svæðinu og enn vegna þess að spurst hafði að sést hefði til tófu á vegarspottanum milli Höllustaða og Álftalands. Takk fyrir skjót viðbrögð með birtinguna og heiðarlega blaðamennsku.