Út er kominn leiðarvísir á mynddiskum frá endursmíði á feræringnum Björgu, öðru nafni Staðarskektunni (kennd við Stað á Reykjanesi). Fylgst er með smíðinni frá kili að sjósetningu. Lag bátsins er breiðfirskt og smíðin fór fram á Reykhólum 2006-2007 hjá Félagi áhugamanna um Bátasafn Breiðafjarðar. Smiðirnir eru Hafliði Aðalsteinsson, Eggert Björnsson, Hjalti Hafþórsson og Aðalsteinn Valdimarsson. Myndefnið er fjögurra klukkustunda langt á tveimur diskum, en því er skipt í kafla eftir hlutum bátsins svo hægt að „fletta upp“ á auðveldan hátt, rétt eins og að spila allt saman.

 

Nánar á vef Bátasafns Breiðafjarðar. Umsjónarmaður vefjarins er Hjalti Hafþórsson.

Meira um Bátasafn Breiðafjarðar