Leikskóladeild Reykhólaskóla óskar eftir að ráða leikskólakennara (deildarstjóra í tímabundið starf) í 100% starf til eins árs frá og með 15. október. Vinnutími er frá kl. 8 til 16.

Hæfniskröfur:

• Réttindi sem leikskólakennari skv. 3. gr. laga nr. 87/2008*)
• Færni í mannlegum samskiptum
• Frumkvæði og sjálfstæði í starfi
• Stundvísi
• Jákvæðni og áhugasemi

Reykhólaskóli er sameinaður leik- og grunnskóli. Í leikskóladeildinni er ein deild með 16 börnum á aldrinum 1-5 ára. Einkunnarorð skólans eru Vilji er vegur. Lögð er áhersla á skapandi starf og nám í gegnum leik.

*) Ef ekki berast umsóknir frá leikskólakennurum sem uppfylla hæfniskröfur er heimilt að ráða leiðbeinanda í stöðuna tímabundið til eins árs.

Upplýsingar veitir skólastjóri, Ásta Sjöfn Kristjánsdóttir, í síma 434 7731 og netfanginu skolastjori@reykholar.is.