Leitað að hvers konar efni frá þorrablótum
Á sínum tíma nefndi Ólafía í Hólakaupum við Hörpu bókavörð, að gaman væri að eiga á einum stað allar upptökur sem til eru frá þorrablótum í héraðinu. Vídeótæki úreldast og bjarga þarf myndefni á spólum í tæka tíð yfir í tölvur og yfir á diska, sem síðan væri hægt að leigja út á bókasafninu og í Upplýsingamiðstöðinni.
Þær Ólafía og Harpa drifu sig af stað og eru nú þegar búnar að fá upptökur frá þorrablótinu á Reykhólum 2012, sem Dagný á Seljanesi var búin að setja á diska. Síðan er ætlunin að ganga frá hverju blóti fyrir sig eftir því sem efni finnst. Gunni hennar Hörpu aðstoðar við tæknimálin.
Þær stöllur leita nú til sveitunga eftir öllu því efni varðandi blótin sem finnanlegt kann að vera. Þar er ekki aðeins átt við upptökur heldur einnig tilkynningar, annála, lagatexta og aðra texta, svo og upplýsingar um þorrablótsnefndirnar hverju sinni. Engu skiptir hvort þetta er á tölvutæku formi eða á pappír eða jafnvel í höfðinu á fólki.
Sendið tölvupóst eða hringið í Hörpu (894 1011) eða Ólafíu (861 3633).
Átta annálar fluttir á þorrablótunum á Reykhólum eru til hér á vefnum undir Gamanmál af ýmsu tagi í valmyndinni vinstra megin. Auk þess er þar að finna þorrablótsbrag frá 1946 um skipastól Reykhólamanna og brag frá blótinu 2008 (Allt sem ég hef misst). Beinir tenglar eru hér:
Harpa og Ólafía, rijudagur 29 ma kl: 21:00
Erum líka búin að fá mikið efni frá Gústa, vonum að sem flestir geti útvegað okkur myndefni og texta frá þorrablótum sem og góðuleðinni og örðum skemmtunum í sveitarfélaginu.... þorrablótið 2012 er núna í ritskoðun og verður til útleigu á upplýsingamiðstöðinni í sumar, ekki vitað hvenær það mun koma en verður auglýst