Reykhólakirkja. Ljósm. hþm.

Síðasti dagskrárliður Reykhóladaga sem fram fer á Reykhólum er léttmessa í Reykhólakirkju kl. 13 á morgun, sunnudag. „Við munum syngja með yndislega kórnum okkar létt og skemmtileg lög og sálma undir harmonikkuleik. Hugleiðing dagsins mun fjalla um ríkidæmi augnabliksins og hvetjum við alla til að mæta,“ segir sr. Hildur Björk Hörpudóttir sóknarprestur.