Séð yfir salinn í Breiðfirðingabúð í kvöld. Ljósm. Jónas Ragnarsson.

Lið Siglfirðinga, Húnvetninga, Skaftfellinga og Breiðfirðinga komust í kvöld í fjögurra liða úrslit í Spurningakeppni átthagafélaganna. Siglfirðingar unnu Djúpmenn 12-11, Húnvetningar unnu Strandamenn 16-7, Skaftfellingar unnu Norðfirðinga 19-11 og Breiðfirðingar unnu Héraðsmenn 14-10.

Keppt var að venju í Breiðfirðingabúð við Faxafen. Myndina þar sem sér yfir salinn tók Jónas Ragnarsson, liðsstjóri Siglfirðinga, þegar lið hans og Djúpmanna áttust við.