11.-22. júní gengst Umf. Afturelding í Reykhólahreppi fyrir fjölbreyttum íþrótta- og leikjanámskeiðum. Um er að ræða sundnámskeið fyrir börn fædd 2006 og 2007, leikjanámskeið fyrir börn fædd 2000 til 2006 og hreystinámskeið fyrir fólk á aldrinum 12-99 ára. Skráning fyrir föstudag. Nánar um námskeiðin og skráninguna:

Sundnámskeið (börn fædd 2006 og 2007)

• Skipt í tvo hópa. Fyrri hópurinn (f. 2006) verður kl. 9.20-10, seinni hópurinn (f. 2007) verður kl. 10-10.40.
• Viðfangsefni: Aðlögun í vatni (leikir), helstu sundtök tekin (brotin niður og kennd í litlum skrefum).
• Verð kr. 3.000.

Leikjanámskeið (börn fædd 2000 til 2006) 

• Þetta námskeið verður kl. 13-16. Farið verður í gönguferðir, ratleiki, alls konar leiki og íþróttir.
• Grill og fjör síðasta daginn.
• Verð kr. 8.000 kr. á barn en fyrir systkini kr. 6.000.

Hreystinámskeið (12-99 ára)

• Mánudaga, miðvikudaga og fimmtudaga kl. 17.30-18.30.
• Viðfangsefni: Þol, styrkur og liðleiki. Fjölbreyttar og skemmtilegar æfingar sem henta öllum.
• Verð kr. 2.500.

Íþróttakennari er Halla Karen.

Skráning hjá Herdísi í síma 690 3825 og Guðrúnu í síma 865 5237 fyrir föstudag.

Goggi galvaski

Jafnframt hvetur stjórn Aftureldingar alla til að skrá sig á íþróttahátíðina Gogga galvaska að Varmá í Mosfellssveit, sem að þessu sinni verður 22.-24. júní. Goggi galvaski er árleg stórhátíð ungs frjálsíþróttafólks, sem Umf. Afturelding (ekki í Reykhólahreppi heldur í Mosfellssveit) hefur haldið í meira en tuttugu ár, en jafnframt er þetta fjölskylduskemmtun. Ellefu ára og eldri keppa í íþróttum en þrautir og leikir eru fyrir tíu ára og yngri og allir fá þátttökupening. Auk þess er m.a. farið með Gogga að gróðursetja tré og allir fá nesti með sér.

Skráning á Gogga galvaska er hjá Guðrúnu Guðmundsdóttur á Reykhólum í síma 865 5237 fyrir 16. júní.

► Goggi galvaski á Facebook