Allir eru velkomnir að sitja hina hefðbundnu saltkjötsveislu og bókmenntavöku Lions á Reykhólum annað kvöld, föstudag - ekki bara Lionsfólk. Kvöldstund þessi verður með sama sniði og undanfarin ár. Væntanlegir gestir eru eindregið beðnir að láta vita af komu sinni fyrirfram þó að það sé ekki algert skilyrði. Hins vegar er afleitt að hafa eldað of lítið og líka er óheppilegt að hafa eldað allt of mikið.

Hafið samband við Ingvar Samúelsson í síma 898 7783 með sem allra bestum fyrirvara.

Af skiljanlegum ástæðum hefur fólk haft dálitlar áhyggjur af veðri og færð. Eins og nú horfir ættu þær að vera (að mestu) úr sögunni.

► Sjá nánar hér