Sjálfa (selfie) Ingimundar Mikaels með stelpunum. Af Facebooksíðu skólans.

Reykhólaskóla verður slitið núna á fimmtudagskvöld, 28. maí. Dagskráin hefst kl. 20 með athöfn í kirkjunni, þar sem nemendur í skólahóp í leikskólanum verða útskrifaðir og einn nemandi í 10. bekk. Síðan er foreldrum og forráðamönnum boðið í kaffi í skólanum og þar verður jafnframt sýning á munum sem nemendur hafa gert.

„Við hlökkum til að sjá sem allra flesta mæta,“ segir Ásta Sjöfn Kristjánsdóttir skólastjóri.