Lífseigustu skaflar í Reykhólasveit
Það er ekki til einhlítur mælikvarði á hvað er lítill, meðal eða mikill snjór. Hann á sína vissu staði og yfirleitt gerir fólk sér litla rellu út af því, nema þegar snjórinn sest á veginn eða við húsdyr.
Vissu staðirnir á veginum eru náttúrlega smugan hjá Geiradalsánni, milli Hóla og Kambs, við Bæjarána, við Geitarána, við Skrautann á Klukkufelli og víðar raunar en á þessa staði safnast yfirleitt fyrst snjór. Ef til vill væri verðugt verkefni að gera snjókort af vegum.
Nokkur snjór er kominn á þessa staði nú. Vegna þess að vetrarvegir eru bæði við Smuguna og Bæjarána voru aðrir kaflar vegarins látnir ganga fyrir og ekkert mokað þar síðustu 2 daga amk. Því reikna vegfarendur ekki með og átta sig ekki á vetrarvegunum fyrr en of seint og fara sumir nokkuð langt inn í skaflana. Það veldur bæði óþægindum og töfum.
Sennilega þyrfti að merkja betur þegar vegurinn er ófær. Vegurinn í Smugunni var opnaður í dag.