Leonard og Lincolninn við Gretti.

Langur en Grettir er lengri.

Lincoln Touring 1922.

Lincoln Continental Cabriolet 1942.

« 1 af 4 »

Um þessar mundir má iðulega sjá langa og virðulega límúsínu á götum Reykhólaþorps eða niðri á bryggju. Þar er á ferð Leonard Jóhannsson frá Akureyri, sem eins og í fyrrasumar leysir af sem vélstjóri á Gretti, flutningaskipi Þörungaverksmiðjunnar. Bíllinn er af gerðinni Lincoln Continental Town Car árgerð 1973 og er því senn fertugur. Hann er dúnmjúkur enda hátt í sex metrar á lengd og að sjálfsögðu með átta gata V-mótor.

Lengdin á heitinu Lincoln Continental Town Car verður að teljast hæfa lengdinni á bílnum.

Á mynd nr. 3 er til samanburðar níræður Lincoln Touring og á mynd nr. 4 er sjötugur Lincoln Continental. Þær myndir eru fengnar af Wikipedíu.