Þórður læknir veitir gjöfunum viðtöku. Mynd: Búðardalur.is.

Í tilefni af fimmtugsafmæli Lionsklúbbs Búðardals fyrir skömmu færði hann Heilbrigðisstofnun Vesturlands (HVE) í Búðardal veglegar gjafir, en hún þjónar m.a. Reykhólahreppi. Um er að ræða annars vegar sogtæki og hins vegar tæki sem nefnist Spirometria og mælir meðal annars loftflæði lungna og rúmmál þeirra. Verð þessara tækja er tæplega 600 þúsund krónur.

Fjórðungur fjárins kom frá einstaklingi í Dalabyggð sem vill ekki láta nafns síns getið.

Frá þessu er greint á vefnum Búðardalur.is og þar er meðfylgjandi mynd fengin. Á henni er Þórður Ingólfsson yfirlæknir í forgrunni ásamt Lionsmönnum og fulltrúum HVE.

► Nánar hér