vb.is

Reynir Bergsveinsson JH myndir

« 1 af 2 »

„Reynir Bergsveinsson í Króksfjarðarnesi hrökk við skömmu fyrir hádegi þegar hann heyrði miklar drunur. Hann ræddi við nokkra nágranna sína sem voru sammála um að sennilega væru hljóðin frá herþotum. Reynir segir þetta þó óvenjulegt: „Þetta hefur aldrei gerst áður þegar verndarenglarnir fljúga hér hjá.“ Svona hávaði hafi ekki áður fylgt yfirfluginu, segir Reynir en tekur fram að hann hafi ekki talið svo mikla ógn af Rússum gegnum tíðina að þurft hafi herþotur til að fylla hann öryggiskennd“. Þessi lýsing er úr frétt á ruv.is.

 Undanfarna daga hafa heyrst hér í Reykhólasveitinni þotudrunur sem varla voru frá áætlunarflugi, og er það ekkert einsdæmi, en í morgun kvað við sprenging líkt og þegar stórar klappir eru sprengdar, en töluvert meiri hávaði.

Mörgum brá eðlilega því ekki hafði nein tilkynning borist um að það mætti eiga von á svona djöfulgangi. Það var skýjað, þannig að ekki fengum við að sjá þessar loftrýmisgæsluflugvélar skjótast um himinhvolfið.