Ef frumvarpið verður að lögum verður búfé aðeins beitt innan girðinga.

Þingmennirnir Mörður Árnason og Birgitta Jónsdóttir lögðu fyrir skömmu fram á Alþingi frumvarp til laga þess efnis, að búfé skuli aðeins beitt innan girðingar, og skuli þau koma til framkvæmda eftir tíu ár. „Flutningsmenn tileinka frumvarpið Herdísi Þorvaldsdóttur sem áratugum saman hefur beitt sér fyrir landvernd á Íslandi,“ segir í greinargerð.

Heimildamynd Herdísar, Fjallkonan hrópar á vægð, var sýnd í Ríkissjónvarpinu um miðjan síðasta mánuð. Viðbrögð við myndinni hafa verið nokkuð misjöfn. Baráttumál Herdísar er og hefur verið að stöðva lausagöngu búfjár á Íslandi.

Eins og hér hefur verið greint frá vill umhverfisráðherra banna lausagöngu búfjár.

► Lagafrumvarpið ásamt greinargerð