Lokahóf frjálsíþróttaráðs Ungmennasambands Dalamanna og Norður-Breiðfirðinga (UDN) verður haldið á Reykhólum á fimmtudaginn, 13. september. Veittar verða viðurkenningar fyrir þátttöku, góða mætingu á æfingar og mót í sumar, besta afrekið og miklar framfarir á árinu.

Hófið hefst við Reykhólaskóla kl. 19. Kolin verða heit um hálftíma síðar. Um að gera að koma með eitthvað gott á grillið.

Frjálsíþróttaráð UDN vonast til að sjá sem allra flesta hressa og káta.

UDN tók á sig núverandi form árið 1972 þegar sameinuð voru Ungmennasamband Dalamanna (stofnað árið 1918) og Ungmennasamband Norður-Breiðfirðinga (stofnað árið 1936).

► 11.11.2008 UDN 90 ára - Ungmennafélög voru í öllum hreppum austursýslunnar

► Heimasíða UDN