Síðustu tvö þriðjudagskvöld hafa menn komið saman að tefla skák í föndurstofu Barmahlíðar á Reykhólum. Að sögn upphafsmannsins Guðjóns D. Gunnarssonar (Dalla) hefur mæting verið „hófleg“ eða sex og sjö manns, en sigurvegarar þessi kvöld voru Eiríkur Kristjánsson og Hlynur Þór Magnússon. „Til stendur að halda þessu áfram og mættu gjarnan fleiri mæta,“ segir Dalli.

Taflið hefst í þriðja sinn í röð kl. 20 annað kvöld, þriðjudag.