Magga á Gróustöðum orðin fimmtug
Signý M. Jónsdóttir á Gróustöðum við Gilsfjörð (Magga á Gróustöðum) varð fimmtug á fimmtudag, 19. júlí, og bættist þar með í hóp margra í héraðinu sem þeim áfanga ná á þessu ári. Þegar hún seint og um síðir var beðin um myndir úr afmælinu var svarið á þessa leið: „Það voru ekki teknar margar myndir á mína myndavél, venjulega er ég að taka myndinar en þarna var ég upptekin við að spjalla við gestina. Þetta var bara vöfflukaffi og mikið af gestunum kom við á leið af ættarmóti sem var haldið í Tjarnarlundi á helginni - það var móðurætt Begga.“
Samt fylgja hér ásamt síðbúnum afmæliskveðjum tvær myndir sem teknar voru við þetta tækifæri. Vöfflukaffið var í gömlu húsunum niðri við bryggju í Króksfjarðarnesi þar sem kræklingsvinnsla bræðranna frá Gufudal, þeirra Sævars og Bergsveins á Gróustöðum Reynissona, er nýlega komin í gang.
Björk Stefánsd., mivikudagur 25 jl kl: 00:58
Til hamingju með afmælið elsku Magga, alltaf jafn flott.
Kv. Björk og co