14. nóvember 2015 |
Markaður í þágu ferðasjóðs unglingadeildarinnar
Flóamarkaður verður í borðsal Reykhólaskóla kl. 16-19 á þriðjudaginn, 17. nóvember. Þeir sem vilja geta fengið söluborð sem kosta kr. 500. Ágóðinn af markaðinum rennur í ferðasjóð unglingadeildar skólans. Hvernig væri að kíkja í geymsluna eða bílskúrinn eða inn í skápana? Pantið borð sem fyrst hjá Höllu Valda í síma 847 2539.
Orðið flóamarkaður á rætur að rekja til markaða með notaða muni suður í Evrópu á miðöldum. Þá vildi það henda að flær og önnur kvikindi fylgdu fatnaði sem „kaupbætir“, en það er víst löngu liðin tíð. Myndin sem hér fylgir er frá flóamarkaði í Dresden í Þýskalandi (Wikipedia / Stefan Kühn).