Matseðillinn á kvöldskemmtun Reykhóladaganna í íþróttahúsinu á laugardagskvöld liggur fyrir. Minnt skal á það, að talsverðu máli skiptir fyrir fólkið sem annast matinn að hafa með fyrra fallinu einhverja hugmynd um væntanlegan fjölda. Forsala miða er í Reykhólaskóla í dag, fimmtudag, kl. 12-13 og 16-19. Líka má utan þess tíma hringja í síma 691 6960 og mæla sér mót til að fá miða. Verð á kvöldskemmtun og ball er kr. 5.000 í forsölu en kr. 5.500 við innganginn.

Matseðillinn er þannig: 

Aðalréttir og meðlæti

• Ristað chili- og hvítlauksmarínerað lamb með villisveppasósu
• Steiktur steinbítur og sinnepssósa
• Koli og kaperssmjör
• Kartöflusalat með papriku, rauðlauk og ólífum
• Ferskt salat og graslauksdressing
• Ristað rótargrænmeti
• Íslenskt bygg og blóðberg
• Tómatsalat

Eftirréttir

• Frönsk súkkulaðikaka
• Aðalbláberja-skyrmús

► Dagskrá Reykhóladaga 2013