Niðurstöður Menningarráðs Vestfjarða vegna styrkumsókna árið 2013 liggja ekki fyrir fyrr en eftir miðjan mánuðinn. Mikill fjöldi umsókna barst að þessu sinni, alls 160, um margvísleg og fjölbreytt verkefni. Ljóst er að umsóknir hafa sjaldan verið betri og vandaðari og fjölmargar skemmtilegar hugmyndir eru þarna á ferðinni, segir á heimasíðu ráðsins.

Alls bárust 125 umsóknir um verkefnastyrki þar sem óskað er eftir styrkjum upp á tæpar 85 milljónir. Kostnaðaráætlanir þessara verkefna eru alls rúmar 419 milljónir. Þá bárust 35 umsóknir um stofn- og rekstrarstyrki. Þar var farið fram á tæpar 63 milljónir en kostnaðaráætlanir hljóða upp á samtals rúmar 207 milljónir.

► Menningarráð Vestfjarða