„Mikil mistök í uppsiglingu“
„Það eru mikil mistök að útiloka hagkvæmasta og besta kostinn við vegagerð í Gufudalssveitinni frá því að fara í umhverfismat. Í það stefnir þó, samkvæmt svari innanríkisráðherra við fyrirspurn minni á Alþingi 5. nóvember. Þar spurði ég ráðherrann eftirfarandi spurningar: Hvers vegna er svokölluð B-leið (leið B1) ekki með í tillögu að matsáætlun vegna fyrirhugaðra framkvæmda á Vestfjarðavegi (60) milli Bjarkalundar og Melaness í Reykhólahreppi?“
Þannig hefst grein sem Einar K. Guðfinnsson alþm. sendi vefnum til birtingar undir fyrirsögninni Mikil mistök í uppsiglingu. Hann heldur áfram:
Rifjum nú aðeins upp sögulegar staðreyndir þessa máls. Það hafa staðið miklar deilur um vegstæði á kaflanum úr Þorskafirði að Melanesi (Skálanesi). Flestir eru nú orðnir sammála um að vegagerð sem fylgdi að mestu núverandi vegstæði um Hjallaháls og Ódrjúgsháls sé út úr myndinni. Þá standa eftir þrír möguleikar.
Í grein sinni reifar Einar síðan þessa þrjá mismunandi kosti.
Grein hans í heild er að finna hér og jafnframt undir Sjónarmið í valmyndinni vinstra megin.
Loftmyndirnar sem hér fylgja tók Jónas Guðmundsson sýslumaður í Bolungarvík og mikill áhugamaður um samgöngumál.