Orðsending frá lögreglunni á Vestfjörðum.

Við hjá lögreglunni á Vestfjörðum viljum hvetja sem flesta, gangandi vegfarendur, börn sem fullorðna, til að vera vel sýnileg svona í svartasta skammdeginu.  Þetta skiptir gríðarlegu máli hvað umferðaröryggi varðar, hvort heldur í dreifbýli eða í þéttbýlinu.

Við höfum vakið athygli á þessu á facebooksíðu lögreglunnar á Vestfjörðum og eins hafa lögreglumenn í umferðareftirliti vakið athygli fólks sem er dökkklætt án endurskinsmerkja á þessum mikilvæga þætti.

Okkur langar til að biðja sveitarfélögin öll í umdæminu að taka þátt í því að vekja athygli íbúanna á þessu og hvetja til aukins sýnileika.