Með Eyjasiglingu út í eyjaparadís Breiðafjarðar. Höfnin á Stað að baki.

Skipulags-, bygginga- og hafnarnefnd Reykhólahrepps samþykkti á fundi sínum í vikunni fyrir sitt leyti óskir Eyjasiglingar ehf. á Reykhólum um framkvæmdaleyfi við höfnina á Stað á Reykjanesi, en þaðan siglir fyrirtækið á sumrin með farþega út í Breiðafjarðareyjar. Um er að ræða lagningu rafmagns niður á hafnarsvæðið, uppsetningu ljósastaurs og tenglakassa, uppsetningu á innsiglingarmerki, breikkun vegar fyrir bílastæði og vatnslögn frá Árbæ niður að höfn.

Að því leyti sem heimildir til framkvæmdanna eru háðar áliti Breiðafjarðarnefndar er gerður fyrirvari um jákvæða umsögn hennar.

Sjá nánar í reitnum Fundargerðir hér neðst til vinstri á síðunni.

 
Vefur Eyjasiglingar