Báturinn sem Heimamenn kaupa.

Kvenfélagið Katla í Reykhólahreppi ákvað á félagsfundi í fyrrakvöld að færa Björgunarsveitinni Heimamönnum einnar milljónar króna styrk vegna kaupanna á björgunarbátnum sem hér hefur ítarlega verið greint frá, og fylgibúnaði vegna hans. Með þessu vilja Kötlukonur sýna björgunarsveitinni þakklæti og virðingu vegna starfsins fyrir fólkið í sveitarfélaginu. „Að hafa starfandi björgunarsveit í hreppnum veitir okkur aukið öryggi.“

Stjórn Kötlu vill jafnframt minna á, að margt smátt gerir eitt stórt. Ef fleiri vilja leggja sveitinni lið, þá eru bankaupplýsingarnar 0153-05-134281 og kennitalan 430781-0149. 

Í framhaldi af þessu má rifja upp, að ágóðinn af veitingasölu Kötlu á jólamarkaðinum í Króksfjarðarnesi rann til kaupanna á bátnum.

Björgunarbáturinn: Lokaspretturinn að hefjast