Heill og sæll Svenni,

Treysti á þig að senda okkur allar upplýsingar af þessum góða fundi ykkur á Reykhólum.

Með bestu Flateyjarkveðjum
Gunnar Sveinsson
Eyjólfshúsi, Flatey

Sæll Gunnar,
hér á síðunni verða aðgengileg öll gögn sem tengjast þessari valkostagreiningu jafnóðum og þau verða tilbúin. Þetta er verkefni sem tekur nokkurn tíma.

Bestu kveðjur,
Svenni

Sæll Sveinn,
Takk fyrir þessar upplýsingar. Reyndi að fara inn á slóðina fyrir fundinn en það gekk ekki. Treysti á að fundurinn hafi farið vel fram. En ég rek augun í eitt sem stingur í. Í fréttum þínum af fundinum segir svo "Íbúar geta komið sjónarmiðum sínum á framfæri í gegnum samráðsforritið menti.com þar til kl 22 á morgun.
"Á morgun" er nú í dag, þriðjudaginn 5. október. Ég spyr; Getum við Flateyingar og aðrir ekki komið okkar sjónarmiðum á framfæri svo mark sé á tekið eftir kl 22:00 þriðjudaginn 5. október???????
Flateyjarkveðjur
Gunnar í Eyjólfshúsi, Flatey

Sæll aftur.
Leitt að þú skyldir ekki ná inn á fundinn. Hann fór mjög vel fram.
Það eru engir frestir útrunnir til að koma að sjónarmiðum, þó menti.com sé ekki opið lengur en þetta í bili.
Það eru einmitt allir hvattir til að tjá sig um þessi sameiningarmál, Flateyingar ekki síður en aðrir.
Það er eitt stærsta atriðið í þessu verkefni, að fá fram skoðanir og vilja íbúa sveitarfélagsins í þessum efnum.
Það verður betur kynnt bráðlega hvar fólk getur komið að athugasemdum og sjónarmiðum.
Bestu kveðjur,
Svenni