Ingibjörg Birna Erlingsdóttir sveitarstjóri skorar á starfsmenn Reykhólahrepps að skora á starfsmenn Þörungaverksmiðjunnar í motturæktarkeppni. Tilefnið er Mottumars, árvekni- og fjáröflunarátak Krabbameinsfélagsins í baráttunni gegn krabbameinum hjá körlum, sem hófst í dag.

Keppendur í Mottumars, einstaklingar jafnt sem lið, skrá sig til leiks á vefsíðunni www.mottumars.is og safna þar áheitum til styrktar átakinu. Hægt er að skrá sig eftir búsetu og keppa þannig fyrir hönd síns byggðarlags. Einstaklingur getur skráð sig og síðan skráð sig í lið, keppendur geta sett sér sjálfir markmið í áheitasöfnun, safnað mottuorðum og leikir verða í boði meðan á keppninni stendur. Nöfn þátttakenda sem hafa safnað tiltekinni fjárhæð innan ákveðins tímaramma verða sett í pott, sem dregið verður vikulega úr. Veglegir vinningar eru í boði.

Sjá nánar hér