Hólabúð á Reykhólum gefur konfektkassa í vinning fyrir rétta ráðningu á spánnýrri myndagátu tengdri héraðinu. Þ.e.a.s. ef einhver nennir að glíma við hana! Lausnir berist í netfangið vefstjori@reykholar.is fyrir áramót, þ.e. fyrir miðnætti á gamlárskvöld. Dregið verður úr réttum lausnum ef einhverjar verða og niðurstaðan birt hér á vefnum þegar nýja árið er gengið í garð.

Ekkert þýðir að kvarta yfir því að gátan sé vitlaus eða neitt slíkt - málið er bara að ráða fram úr þessu akkúrat eins og það er!