Myndir teknar vorið 2008 (hþm).

« 1 af 2 »

Þörungaverksmiðjan á Reykhólum ætlar að stokka upp heimasíðuna sína. Af því tilefni vantar góðar myndir (svona 1-2 MB að stærð) frá nágrenni verksmiðjunnar og frá starfsemi hennar, einkum myndir af eyjum, fjöru, sjó, prömmum, skipum og fólki að störfum til sjávar og sveita. Einnig mega þetta vera myndir af skepnum af öllu tagi úr Reykhólahreppi. Þær mega einnig vera af jurtum, fuglum, húsdýrum, tófum og landslagi eða ferðamönnum að vetri eða sumri.

Allra best væri að fá góðar myndir úr fjörunni eða frá eyjunum. Tekið skal sérstaklega fram að nægt hefur borist af sólarlagsmyndum. Stefnt er að því að kaupa um 15 góðar og skemmtilegar myndir af mannlífi og náttúru.

Vinsamlega hafið samband um þetta mál, t.d. gegnum Smettiskinnu (Facebook) við Finn eða Mæju.