Myndir af norðurljósum og heitum laugum óskast
Gústaf Gústafsson, forstöðumaður Markaðsstofu Vestfjarða, sem m.a. vinnur að kynningu á Vestfjarðakjálkanum sem freistandi svæði fyrir erlenda ferðamenn, óskar eftir ljósmyndum bæði af norðurljósum og heitum laugum. „Ekki endilega saman en það væri auðvitað frábært. Myndirnar af laugunum mega vera teknar að vetri til“, segir hann. „Það er mikilvægt að hafa þessar myndir í safninu okkar og mikið er beðið um norðurljósin þannig að endilega sendið á mig.“
Þeir sem vilja láta Markaðsstofuna hafa slíkar myndir þurfa jafnframt að láta fylgja heimild til að dreifa til þriðja aðila og birta, óháð miðli. Upplýsingar um staðinn þar sem myndirnar eru teknar og nafn höfundar þurfa að sjálfsögðu að fylgja líka.
Hafa má samband við Gústaf í netpósti og í símum 450 4040 og 662 4156.