Skriðan var ekkert smáræði.

« 1 af 4 »

Sveinn Ragnarsson á Svarfhóli í Geiradal tók meðfylgjandi myndir þegar verið var að ryðja burt skriðunni miklu sem féll á þjóðveginn um Litlaneshraun við Kjálkafjörð í Múlasveit, vestast í Reykhólahreppi. Áætlað var að um 150 þúsund rúmmetrar af jarðvegi hafi ruðst fram á veginn. Þarna er unnið að nýlagningu vegarins og var verið að snyrta neðan af skeringu þegar skriðan féll. Litlu mátti muna að slys yrði því að þarna voru menn og vinnuvélar að störfum og varð eitthvert tjón á tækjum.

Um sólarhring tók að gera veginn færan almennri umferð á ný.

Maðurinn sem er að feta sig upp brattann hægra megin á mynd nr. 4 virðist frekar smár í samanburði við skriðuna. Smellið á til að stækka.

► 23.04.2013 Gríðarleg skriða lokar Vestfjarðavegi 60

► 24.04.2013 Reynum að taka þessu með stóískri ró