Áslaug til vinstri, Sandra Rún til hægri, og Lovísa Ósk með dótturina.

Auðvitað fengum við að halda á litlu stelpunum, segir Áslaug.

Áslaug og Sandra Rún heima hjá Sigrúnu og Ágústi Má ásamt stúlkunni þeirra litlu og bróður hennar.

Æ, hvað er nú að?

Startpakkinn er fallegur ...

... og innihaldið eftir því.

« 1 af 6 »

Núna um helgina afhentu sveitarstjórnarkonurnar í Reykhólahreppi Áslaug Berta Guttormsdóttir og Sandra Rún Björnsdóttir „startpakka“ nr. 2 þegar þær heimsóttu sveitungana Lovísu Ósk Jónsdóttur og Hlyn Stefánsson og börn þeirra. Í desember höfðu þær heimsótt Sigrúnu Kristjánsdóttur og Ágúst Má Gröndal og þeirra börn í sömu erindum. „Auðvitað fengum við að halda á litlu stelpunum, sem báðar eru yndislegar. Þetta voru einstaklega ánægjulegar heimsóknir og gaman að njóta þeirra forréttinda að færa þeim sængurgjöf frá öllum íbúum sveitarfélagsins,“ segir Áslaug.

Í pakkanum kennir margra grasa og þar er ýmislegt sem gott er að eiga fyrir ungbörn.

Myndirnar eru frá þessum heimsóknum Áslaugar og Söndru.

Sjá einnig:

► 21.01.2015 Ljósmóðirin hafði verið í sveit á Mávavatni

► 29.11.2014 Fjölgun í fjölskyldunni að Hólatröð 1 [núna eru þau reyndar flutt að Hellisbraut 20]

► 28.11.2014 Treysta sér ekki til að feta í spor Andreu

► 11.06.2014 Skemmtilegur og trúlega einstæður viðburður