Myndir: Þórarinn Ólafsson.

« 1 af 10 »

Ingvar Samúelsson frá Höllustöðum í Reykhólasveit varð sextugur fyrir nokkru. Eins og hér kom fram efndi hann af þessu tilefni til samveru eða pöbbakvölds í Bjarkalundi í gærkvöldi og þrátt fyrir arfavonda veðurspá komu eitthvað um fimmtíu manns til að samgleðjast honum. Fagnaðurinn heppnaðist afar vel. Myndirnar sem Þórarinn Ólafsson tók fyrir Reykhólavefinn tala sínu máli í þeim efnum.

Þegar nokkuð leið á samkvæmið annaðist Ólafur Bragi Halldórsson frá Múla (Gilsfjarðarmúla) músík fyrir mannskapinn fram á nótt. Harpa Eiríksdóttir á Stað sá um að vökva lífsblómin sem þarna komu saman eins og sjá má á einhverjum myndanna. Hér fylgja tíu myndir en miklu fleiri er að finna í tveimur myndasyrpum undir Ljósmyndir, myndasöfn - Myndasyrpur - Ingvar Samúelsson (1) og (2) í valmyndinni vinstra megin.