27. janúar 2009 |
Myndir frá þorrablótinu á Reykhólum
Þorrablót 2009. Smellið á til að stækka.
Margt var sér og öðrum til gamans gert á þorrablótinu í íþróttahúsinu á Reykhólum á laugardagskvöldið, annan dag þorra. Þórarinn Ólafsson tók fjölda mynda við borðhaldið og skemmtiatriðin og fylgja nokkrar þeirra hér. Þorrablótsnefndina skipuðu Indiana Ólafsdóttir, Hafliði Ólafsson, Gústaf Jökull Ólafsson, Svanhildur Sigurðardóttir, Ingibjörg Kristjánsdóttir, Óskar Steingrímsson, Stefán Magnússon og Andrea Björnsdóttir.
Hér má sjá þær liðlega fimmtíu myndir sem Þórarinn tók við þetta tækifæri og setti inn á myndavefinn sinn - sjá auk þess Ljósmyndir > Myndasöfn í valmyndinni hér til vinstri. Þeir sem luma á fleiri góðum myndum frá blótinu og ballinu mættu alveg senda þær eða slóð á þær.