8. mars 2015 |
Myndir frá tónleikum Svavars Knúts
Frá tónleikum og ljóðalestri Svavars Knúts. Ljósm. Gústaf Jökull Ólafsson.
„Nei, við áttum alls ekki von á svona góðri aðsókn,“ segir Harpa Eiríksdóttir á Báta- og hlunnindasýningunni á Reykhólum, þar sem Svavar Knútur var með tónleika í gærkvöldi og las auk þess upp úr ljóðabókum. Brandaraljóðabókum, eins og einhver sagði. „Það var setið á öllum stólum, hátt í fimmtíu manns sem mættu,“ segir Harpa.
Auk tónlistar og ljóða var kaffihlaðborð. Um það sáu, auk Hörpu Eiríksdóttur framkvæmdastjóra Báta- og hlunnindasýningarinnar, þær Aðalbjörg Egilsdóttir á Mávavatni og systurnar Aníta Hanna og Védís Fríða Kristjánsdætur á Stað.
Myndirnar sem hér fylgja tók Gústaf Jökull Ólafsson.