30. desember 2014 |
Myndir úr afmælisfagnaðinum á Seljanesi
Afmælisbarnið á Ferguson, sem er orðinn talsvert meira en fimmtugur.
Stefán Hafþór Magnússon á Seljanesi í Reykhólasveit er fimmtugur í dag, 30. desember. Eins og hér kom fram var af þessu tilefni opið hús á Seljanesi í gærkvöldi og var þar margt gesta eins og vænta mátti. Eins og sjá má á myndunum sem hér fylgja var fagnaðurinn haldinn í kjörlendi Stefáns og þeirra feðganna á Seljanesi, sem þekktir eru fyrir fornbíla sína og forntraktora og margvíslega söfnun á þeim sviðum.
Jóhann Vívill bróðir Stefáns brást vel við beiðni um að útvega vefnum til birtingar myndir úr afmælisfagnaðinum. Þær verða síðan fljótlega settar inn í Ljósmyndir, myndasöfn > Myndasyrpur (valmyndin hér vinstra megin) þar sem þær verða aðgengilegri en þessi frétt þegar frá líður.