Myndirnar tók hþm.

« 1 af 16 »

Áður en aðrir gestir komu á opna húsið á Reykhólum sem Sveinn Borgar og Guðbjörg buðu til á sunnudagskvöldið var tækifærið notað að taka myndir þar innanstokks, bæði á hæðinni og niðri í kjallara. Þar má sjá einhvern ávæning af því sem búið er að framkvæma síðustu mánuði. Myndirnar eru birtar hér holt og bolt, án frekari skýringa, og ekki annað fólk þar að sjá en Guðbjörgu og Svein þar sem þau höfðu tyllt sér niður í setustofunni.

Síðan var að sjálfsögðu tekinn fjöldi mynda á opna húsinu sjálfu þar sem gestir komu og samfögnuðu hinum nýju eigendum og glöddust yfir því að þarna skuli vera kominn rekstur á ný. Myndir frá þeim viðburði koma væntanlega hér inn á Reykhólavefinn á morgun.

Og svo er aldrei að vita nema á næstunni komi ein myndasyrpan enn: Eins konar heimildamyndaröð frá vinnunni í húsinu frá því að byrjað var í vetur og þangað til allt var orðið klárt.

Mynd af Stöðinni á Reykhólum frá því um 1950