Harpa Björk Eiríksdóttir frá Stað.

Vegna anna enn og aftur verður opna húsinu á Báta- og hlunnindasýningunni á Reykhólum fyrsta þriðjudag hvers mánaðar frestað um viku eða til 9. júní. „Þá verður skemmtilegt kvöld þar sem viðburðir sumarsins verða kynntir, eins og Gengið um sveit, Bátadagar og Reykhóladagar. Líka kynnum við skemmtilegu spilakvöldin og fleira sem verður á sýningunni í sumar og tökum við uppástungum,“ segir Harpa Eiríksdóttir, framkvæmdastjóri sýningarinnar.

„Þar verður líka súpufundarstemmning, te og kakó og allt innifalið í verðinu, sem er 1.500 krónur fyrir fullorðna og 750 fyrir 17 ára og yngri. Sjáumst hress og kát á þriðjudaginn í næstu viku!“