Valgeir og nokkur af handaverkum hans.

Helgina 17.-19. október (frá kl. 17 á föstudegi og til kl. 14 á sunnudegi) verður haldið á Reykhólum námskeið í útskurði í tré. Kennari verður Valgeir Benediktsson í Árnesi á Ströndum og fer kennslan fram í smíðastofu Reykhólaskóla.

Hámarksfjöldi nemenda er 6 manns. Nemendur smíða einn grip á námskeiðinu.

Verð er kr. 20.000 á mann en kr. 12.000 fyrir þá sem orðnir eru 67 ára. Efniskostnaður er innifalinn.

Skráning er í netfanginu felagsmalastjori@strandabyggd.is og í síma 842 2511.

Á samskeyttu myndinni er Valgeir Benediktsson og nokkrir af smíðisgripum hans. Eins og vænta má er rekaviðurinn nærtækur efniviður Strandamanni. Þarna getur líka að líta skál úr hryggjarlið úr hval.