Námskeið í markaðs- og almannatengslum verður haldið í samvinnu Gústafs Gústafssonar, forstöðumanns Markaðsstofu Vestfjarða, Fræðslumiðstöðvar Vestfjarða og Verkalýðsfélags Vestfirðinga bæði 5. og 8. nóvember (laugardag og þriðjudag). Námskeiðið er ætlað þeim sem starfa við eða vilja starfa við markaðssamskipti. Tilgangur þess er að kynna þátttakendum helstu áherslur og leikreglur í markaðsmálum og almannatengslum. Markmiðið er að auka skilning á þeim leiðum sem best nýtast auk þess að fjalla um verkefni sem hafa náð framúrskarandi árangri hér á landi.

Á námskeiðinu er leitast við að svara eftirfarandi spurningum ásamt mörgum öðrum og skoða að auki raunveruleg dæmi:

• Hvað eru markaðsmál?
• Hvernig er hægt að nýta almannatengsl til að ná árangri?
• Hvað eru samhæfð markaðssamskipti?
• Hvaða máli skiptir ímynd?
• Hvaða áhrif hefur vörumerki?

Námskeiðið verður haldið á Hótel Ísafirði. Léttur hádegisverður og gagnamappa eru innifalin í verði. Vakin er athygli á því að mörg stéttarfélög taka þátt í kostnaði vegna námskeiða.

Námskeiðið er 7 kennslustundir. Eftirfarandi dagsetningar eru í boði:

• Laugardagur 5. nóvember kl. 10-15.30.
• Þriðjudagur 8. nóvember kl. 10-15.30.

Skráning hér.

Vinsamlega tilgreinið í athugasemdareit hvor dagurinn hentar þegar skráð er á námskeiðið. Nánari upplýsingar veitir Gústaf Gústafsson hjá Markaðsstofu Vestfjarða í síma 6624156 eða í gegnum tölvupóst á netfangið gustigusta@gmail.com.