Námskeið um meðhöndlun lambaskrokka verður haldið á vegum Fræðslumiðstöðvar Vestfjarða á Dvalarheimilinu Barmahlíð á Reykhólum á miðvikudagskvöldið. Námskeiðið gengur út á að kenna fólki að ganga frá lambsskrokk í frystikistuna, þ.e. hvernig skal úrbeina og saga kjötið. Þá verður útskýrt hvernig á að gera bæði kæfu og rúllupylsu, gefnar ráðleggingar um eldun allra bita skrokksins og uppskriftahefti fylgir með. Námskeiðið hefst kl. 18 og stendur í þrjá til fjóra tíma.

 

Þátttakendur þurfa að koma hver með sinn kjötskrokk. Verðið er 11.900 krónur. Hægt er að hafa samband við Kristínu í síma 867 3164 til að skrá sig eða Ingvar Samúelsson á Reykhólum.