« 1 af 7 »

Ákveðið hefur verið að prófa að fyrsti föstudagur í hverjum mánuði verði sérstakur þemadagur í Reykhólahreppi hvað klæðaburð varðar. Fyrsti föstudagur í september er á morgun og verður náttfatadagur. Fólk í sveitarfélaginu er því hvatt til þess að klæðast náttfötum á morgun eftir því sem veður og færð og aðrar aðstæður framast leyfa.

Hugmyndir um þemu fram til áramóta eru þessar: 4. október verði bleikur dagur, 1. nóvember verði allir með hálstau, hvort sem það eru bindi, slaufur eða slæður, en 6. desember verði ljótupeysudagur.

Frekari hugmyndir eru vel þegnar í netfangið skrifstofa@reykholar.is. Jafnframt er fólk hvatt til að senda vefnum myndir frá þessum þemadögum, hvort sem það er á heimilum eða vinnustöðum eða í skólanum.

Hér fylgja nokkrar myndir af náttfötum, skemmtilegu hálstaui og misfallegum peysum, fundnar á netinu.

► Sjá einnig hér á Facebook - Náttfatadagur í Reykhólahreppi