Stillur og veðurblíða hafa einkennt tíðarfarið á Reykhólum að undanförnu. Þessa fallegu mynd (og raunar dæmigerðu um þessar mundir) tók Ingibjörg Birna Erlingsdóttir sveitarstjóri í gær í fjörunni neðan við Reykhóla. Horft er beint til suðurs út yfir lognværan Breiðafjörð og til Skarðsstrandar vinstra megin og síðan lengra út. Smellið á myndina til að stækka hana.