Nóg af Legói í Reykhólaskóla um langa framtíð
Eyvindur og Ólafía í versluninni Hólakaupum komu færandi hendi í Reykhólaskóla í dag. Fyrir nokkru auglýsti Herdís Erna skólaliði á fésbók eftir legókubbum fyrir skólann og síðan var nefnt á fundi foreldrafélagsins að kubba vantaði sárlega. Áðurnefndum eigendum Hólakaupa fannst þetta alveg ómögulegt og leituðu til Lego-umboðsins á Íslandi og keyptu þar tvo stóra kassa af kubbum og plötum og jafnframt gaf umboðið ennþá meira. Fulltrúi nemendafélagsins, Eydís Sunna Harðardóttir á Tindum, veitti kubbunum viðtöku fyrir hönd krakkanna.
Nemendur og starfsfólk Reykhólaskóla færa Eyva og Ólafíu bestu þakkir fyrir framtakið og rausnina.
Hlynur Þór Magnússon, fstudagur 25 nvember kl: 18:28
Í tilefni af þessari legófrétt má rifja upp: Eitt sinn fyrir mörgum árum þegar Playmo var vinsælt hjá börnum (er kannski enn, þekki það ekki) brá presturinn á Reykhólum á leik og þóttist éta pleimóið hjá krakka nokkrum. Þessi ógnarfrétt barst eins og eldur í sinu milli barnanna í héraðinu og þau sögðu hvert við annað: Passið ykkur á séra NN, hann étur pleimóið okkar.