Nóg hefur verið af síld á Breiðafirðinum að undanförnu og er hún í góðu standi. Fjórir bátar fylltu sig á skömmum tíma út af Stykkishólmi á þriðjudag og aflinn fer að mestu í frystingu. Það þarf að beita lagni til að leggja milli skerja og víða er botninn það harður að síldarnætur bíða þess varla bætur. Börkur NK frá Neskaupstað fékk tæp þúsund tonn í einu kasti, sem dugði til að fylla skipið, og aðrir bátar á miðunum voru líka að gera það gott. Síldin er feit og falleg og fer að mestu í frystingu. Sigurbergur Hauksson skipstjóri á Berki segir ekki bera mikið á sýkingunni sem kom upp í stofninum í fyrra.

 

Þó að langt sé að sigla með aflann til Hornafjarðar, Norðfjarðar eða Vopnafjarðar, þá gengur hratt á síldarkvótann. Aðeins var gefinn út 50 þúsund tonna kvóti af íslenska síldarstofninum og það saxast hratt á hann.

 

frettir@ruv.is