Hinn nýi sýslumaður Barðstrendinga, Úlfar Lúðvíksson, verður til viðtals á skrifstofu Reykhólahrepps á morgun, föstudag, milli kl. 14 og 15. Þetta er í fyrsta sinn sem Úlfar er með viðtalstíma á Reykhólum en hann tók við embættinu núna um miðjan mánuðinn. Forveri Úlfars, Þórólfur Halldórsson, hafði þann hátt að koma á Reykhóla einu sinni í mánuði.

Notendur vefjarins eru minntir á tilkynningadálkinn neðst til hægri á forsíðunni, en þar er jafnan greint frá viðveru sýslumanns og ýmsu öðru sem gott gæti verið að vita um. Jafnframt skal minnt á dagatalið efst í hægri dálki, þar sem ýmsir viðburðir eru skráðir (smellið á dökkgrænu reitina).