Þarna er bóndinn og hluti af ættarmótsnefndinni. Frá vinstri: Rósa Hugosdóttir, Lóa Guðrún Gísladóttir, Hulda Ösp Atladóttir og Gústaf Jökull Ólafsson.

Nýir makar vígðir inn í ættina með söng.

Hugo Rasmus að skera steikina.

Atriði úr leikriti sem yngstu meðlimir ættarinnar settu saman og fluttu á mótinu.

Sveinn Erling les úr bók þar sem sagt er frá ættföðurnum Júlíusi Ólafssyni.

Séð yfir hluta af mótsgestum.

Yngstur á ættarmótinu, Heiðar Gauti Leósson, langömmubarn Lóu á Miðjanesi.

Aina Björk Másdóttir, eiginkona Steins Einis Sveinssonar, lengi kúasmali á Miðjanesi.

Salvar og Helena njóta veitinganna.

Hlaðan á Miðjanesi var fín og flott.

« 1 af 10 »

Eitt af a.m.k. þremur ættarmótum í Reykhólasveit um síðustu helgi var haldið á Miðjanesi þar sem saman komu afkomendur Júlíusar Ólafssonar bónda þar og kennara (1863-1941). Samkomuhúsið á Miðjanesi var hlaðan þar sem búið var að rútta öllu til og mála. Þar var snæddur kvöldverður á laugardagskvöld og voru höfð til verðarins læri grilluð í holu. Milli sjötíu og áttatíu manns munu hafa verið á mótinu.

Tekinn hefur verið upp sá háttur þegar komið er saman á ættarmót á Miðjanesi, að nýir makar sem bæst hafa við eru vígðir inn í ættina.

Börn Júlíusar á Miðjanesi voru þrjú. Elst var Jóhanna Linnet (1890-1968) sem hann átti með Jórunni Eyjólfsdóttur. Síðan átti hann með Helgu Jónsdóttur eiginkonu sinni Játvarð Jökul (1914-1988) og Steinunni (1920-2003).

Ættfaðirinn Júlíus Ólafsson var jafnan kallaður Júlli búi og mun hafa hlotið þá nafngift vegna þess að hann var búfræðingur úr fyrsta árganginum hjá Torfa í Ólafsdal.

Myndirnar sem hér fylgja tók Alfred B. Þórðarson. Smellið á til að stækka. Þær er líka að finna undir Ljósmyndir / Myndasyrpur í valmyndinni vinstra megin.