28. febrúar 2020 | Sveinn Ragnarsson
Nýr hjúkrunarforstjóri Barmahlíðar ráðinn
Hendrikka J. Alfreðsdóttir
Nýlega var ákveðið að ráða Hendrikku J. Alfreðsdóttur í starf hjúkrunarforstjóra dvalar- og hjúkrunarheimilisins Barmahlíðar. Hendrikka er hjúkrunarfræðingur og kemur frá Hafnarfirði, hún hefur starfað á Landsspítalanum. Hún hefur störf í Barmahlíð um miðjan mars.
Hendrikka tekur við af Helgu Garðarsdóttur, sem hefur veitt Barmahlíð forstöðu síðan í nóv. 2014.
Hendrikka er boðin velkomin til starfa, og Helgu þakkað fyrir hennar störf og óskað velfarnaðar í nýjum viðfangsefnum.